ردت اكلك...........

ردت اكلك واستحيت؟؟
كلمة حدر اشفافي ضلت ومن كثر حرهة انجويت
كلمة بين اعيوني صارت سهرتني وماغفيت
كلمة صار اسنين اللمهة وكل حرف بيهة اشتريت
ردت اكلك واستحيت؟؟
ضاعت الفرصة من ادية وبيدي لاوراقي طويت
ودارت الايام بية وللكلام انة اشتهيت
وكمت ادور ليله ليله عله الصبر بس مالكيت
وكمت احشم والاحشمة يكلي ذنبك ماحجيت
ردت اكلك واستحيت؟؟
وكمت اصيح بصوت عالي الله واكبر شيبيت
والله ماحاجيه بعدني شلون لو يمك حجيت
راح اكلك...انة احبك...وبحبك انة تمرمريت
وقررت احجي ونويت
وشفتك بوحدك يغالي لشوفك بسرعه اجيت
وكلت هي حجايه وحده شصار لو يمك حجيت
ووصلت يمك واظني من وراهه انه انعميت
وردت اكلك....
واستحيت

عاشت ايدك على القصيده الحلوة