صبر النبي ايوبــــــــ
كلاني الزمن مثل قطعةالبسكوت
فتتني وخلا بيه اثر عضاته
وصبرتله انه صبر النبي ايوب
بس ما فاد وياه هن بكلبي جوياته
وانه كلبي مايتحمل اي عذاب
بعده صغير كلش وبعده بداياته
صفيت مثل الورقه المحتركه على النار
كلما يبردجرح يزيدعليه بحركاته
ما ضنيت تعوفني بسهوله وتروح
تريد دوم تخلي كلبي بصفناته
جنت انته بدربي شاعل شموع
بس الزمن لم الفرح واخذ شمعاته
صرت امشي بدرب دوم اعثر بي
ما اندل الطريق واعثر بحفراته
انه كلش تعبت من الزمن هاذ
وكلبي من وراه الحب فاته
ما ضليت اعرف شلون احب
وكلبي ما يعرف الحب وصفاته
بعد ما ظن بهاي الدنيه احب
شلون احب والزمن بكلبي وكفاته
عذبني وخلاني ما اشوف النوم
وصار الزمن ويه النوم جياته
ما تعبت مني ولك ما مليت
ولك مو حته وجهي غيرة سماته
مو ونات كلبي خلصت من كثر ما ونيت
حقك ما مجرب تون مثل وناته
ليش بس عليه مصوب حزن
ما دري يمته يطلق عليه طلقاته
خايف انه منه بس مو حته اموت
خايف النوب بيه تخلص ساعاته
انوب الناس انه تسميني الزمن
وتاليه الناس تلزك بيه تهماته
ما يحسون شكدعانيت تعبت وياه
هو نفس النار والنار هي ذاته
كلت خلي اسامحك يا زمن وانساك
وراح تترك كلبي وما تزيد اهاته
موضوع: صبر النبي ايوبــــــــ 
الإثنين أغسطس 15 2011, 22:18
