السحك جمره تشوفه الناس يركص

اذا وياك زل وخالف الجنص
بعد ليوين وجهي اتريدني انطيه

كلت من يمر ذكري ابزادك اتغص
وانه كل مايمر ذجرك اغص بيه

مثل سمجه ونتل زردومها الشص
اشما ترفس الشص تثبت حواشيه

لا بالماي لا بالكاع اخلص
يصيادي الفي شوي خيطك ارخيه
ابسجاجينك تحد وبظلعي اتكص

حلات ابريسمك المن توديه
وبيدك وجريت النار بالخص

وتصييح يالربع جا خصكم اشبيه
ولك مو اني الطلبته وكتله ارخص
شغله من العمر تطلب واكولن اي
وانه من اول عرفتك انت متخلبص

وكلت بلكي ايتغير والله يهديه
وصبرت اشكد على هذا التنغص
الف مره زعل صبري وارضيه
والف مره ترضيني وعلى النص
وتنبهني وتكلي اشمالك اشبيك
السحك جمره اتشوفه الناس يركص
بس المحترك يعرف قوافيه

وتصبلي ابحمظلك وبدمي اتمص
هذا اليعشك الذيب ويربيه
ابكلب سمجه عشت وانت بكلب لص
وانت بكلب شص ...

تحياتي ...