معروفه النهايه من البدايه وياك ؟

أذا صحراء حبك اكبر من الگاع
لا تجبرني اشيلن جبل وامشيها

واذا شايل جبل والگاع كلها سيوف
أسالك ياجدم يگدر يعديها

واذا كلمة احبك بيهه موتي يصير
ميهمني اذا تستاهل أحچيها

معروفه النهايه من البدايه وياك
لان بيدك نعمتك گمت تچفيها

أحلفك بعد ما نتراهم انا وياك
واذا عيني على دربك زلفت اعميها

لأن ادري تعز عليه گطرة ماي
اموت من العطش وگبالي ترميها

ولأن ماتت شتلتي وياك بأول يوم
وألماتت بعد شيفيد تسگيها

واذا بوجه الصبح ضيعت هاي الروح
باليل عود انت تلاگيها

غلطاتك ابد ماتنحسب بحساب
گمت اسمع واغلس حتى اعديها

انه غلطه غلطتها امنتك الاسرار
بكل مجمع شماته گمت تحچيها

جرفين النهر مايلتگن فد يوم
ترچيه وبأذنك هاي خليها

تحرگني حطب وتدفي بيه اعداي
بس گلبي منو لغيرك مسويها

طاوعتك عمر كل هذا گلت يهون
وتاليها عالسوده وياي تبنيها

يسلمووووووووو محمد على الشعر الرائع

» هذا حدي وياك يا لخنت العهود
» احلى شعر شعبي شلون صار حلمي وياك!!
» حصري ( فاروق العبدالله ) - ( حسبي وياك ) حزينة