رهمتك علي بس مارهمت وياي ؟

رهمتك علي بس ما رهمت وياي انت الما ردت شتريد اسويلك
عشرتك نجم من جان عمرك لليل اذوب واشتعل حتة ابقى اضويلك

ومن طلعت شمس خط رجعة ماخليت ما جازيتني لمن خلص لليلك
بانيلك حضرة عشك بلروح ومرقد للمحنة بروحي مني بانيلك

ردت منك مراد وخذت مني مراد عليك بجفوفي شايلهن زناجيلك
انذرلك جنت وافتر واحني لباب هسة تهدمت ياباب احنيلك

امانة سرار عمري وبيها ما اوصيك يم شباك ذنبك صاحن دخيلك
بكيفك بعد تصون الامانة تخون ما اكدر بعد اغفر وعديلك

ما بينك وبينك حيرتني وياك مرة ابجي على طبعك ومرة اغنيلك
بدلالك جن طفل بلجرح مال كبار اشد الجرح بيدي وبيدي الوليلك

لا تنصف عدل لاترضة بلمقسوم تاخذ حصتك ومن حصتي اوديلك
انت الوزعت و الفرح سهمك صار من سهم الحزن شتريد اخليلك

جبتها وياك شعرة وعاقل ومجنون كل ساعة تجرها وانا ارخيلك
شلي بهل التعب والعمر وشلة كاس من كاس العمر جم دوب ابديلك

راح اصبر بدونك وارهم بلياك واذبح رمش عيني الجان يبجيلك
وتحمل عذابك والبعد والشوك وما احط صورتك كدامي واشكيلك

ما اكلك نسيتك بس جرح بلروح يكسر واهسي وما يقبل امشيلك
عين الشالتك شيلج راح كالت شيلني وما قبلت تشيلك

جرحي الفاك صدرة مايريد خياط واكف جنة واحد جاي يدعيلك
بس مجبور ادفنك ياعشك يا شوك اقرة الفاتحة والوحشة اصليلك

بعيوني الحزن يقرونة الي يواسون الفوك الحزن لو تدري شحجيلك
شماتي اجو واسوني ثالث يوم حيل وياك كالو مدري شد حيلك

يسلموووووو ورده على الشعر الرائع

يسلموووووووو محمد

يسلمووووووووووووو شنو هذا الشعر الروووووووووووووووووووووووعه

يسلموووو حمودي عاشت ايدك يا مبدع