بارد من اشوفك

بارد من اشوفك هذا طبعك ليش
ولا شوك انه احسه بنظرة عيونك

وانه المحروك لاجلك من الجدم للراس
واريد النار تطفه بظمة متونك

مثل خيط الشمع اتلوه بين النار
واطيح رماد اطفه بوسط ماعونك

صرت منك جزء بس ردت ارضيك
ولا مرة اجيت وكتلي شلونك

بيا صورة وطريقة بكلبك اشعل نار
وانته الكون كلة ما يشعلونك

اخاف ارمش دقيقة وبعد ما اشوف
ولا اشوف نظرتك ورمشة جفونك

قانون و تبعتك دون كل الناس
ترد انته بجحود وتلغي قانونك

بعت كل الخلك وجيت انه شراي
عفت امي وابوي وصرت مجنونك

ولاجلك جذبت كل الحجوه الناس
من كالو اتركه لا بد يخونك

وبلحظه الاجيت انه وحجيت وياك
كتلي اصحاب نبقه وظهر مضمونك

ظهرتلي الحقيقة بكل الاوصاف
بين معدنك ونكشف لونك

ومن ذيج الدقيقة قررت انساك
لان الكون بيه اهواي يسونك

يسلمووووووو

يددللووو نورتوااا

عاشت الايادي

» انشودة لحظه من فضلك اشوفك..!!*