فكرت انساك واتخذالقرار

فكرت انساك واتخذالقرار
فاتت اكثر من سنة وما قررت
واكتبت دستور هجرك والفراق
باقي عالتوقيع بس ماوقعت
وطلعت ضدك شلت بيدي شعار
ما احبك بس احبك رددت
وردت اطيحك بانخابات الغرام
شكلت جبهة تحدي ورشحت
كلت اصيرن عون للكلبه ضعيف
وانه اضعف عاشك بحبي اطلعت
حاولت ما اخلي اسمك بالوجود
وانه اول صوت لاسمك صوتت
هي كوة بكيفي اعوفك من اريد؟
انه لو اكدر اعوفك وك عفت
ومن كلت قسمه العشك موبالوعود
ومن كلت خليني ارد اتأخرت
حاولت بس ادري بفراكك محال
انته لو ما بيه جان انه متت
ياجرف يكدر يعيش بلاية ماي
فكرت بفراك مايك فطرت
ويا ورك لو فارك الشجر يعيش
ردت اعوفن مرة غصنك واذبلت
اتراجعت عن كلشي يبعدني عليك
حتى في تفكير هجرك بطلت
زاعلت عقلي وعفت حتى الكلام
مسودن بكلمة احبك رددت
ودي

يسلمووووووووووووووووووو

يسلموووو سيف عاشت ايدك على القصيده المميزه