حبيب الكلب عني ليش هملان
ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه
حبيبي شكد وفي ومخلص وصادق ...
و اوعدك ما احب غيرك واصادق ...
وحق المهدي والباقر وصادق ...
يظل عشكك للموت بيه ...
فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...
ينخر بالكيان الحزن مثل ما تنخر بالنخل ارضه ...
ويخلي الوحيد بحيره لا طايل سما ولا ثابت بارضه ...
ريتك حبيبي باحضاني بيك اقنع باقي العمر وارضه ...
واجج بنارك لهيبي و نحترك بيها سويه
اجروحك للشمس ياكلب شرهن
وليالي الشوق ماينحمل شرهن
الك عمري رهنتة وبعد شر هن
اذا حتى العمر ماعاد الية
فل شعرك على متونك وحله
سر البي من ربك وحله
ديالى وكوت سامره وحله
يحسدوني عبنك صرت اليه
حبيب الكلب عني ليش هملان
ودمع عيني على الوجنات هملان
الحديد الماتلينه النار هم لان
اشوكلبك صخر ماحن عليه
عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه
دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة عليةا
حباب النحبهم مارادونا
جفونا وبجفاهم مردونا
ولك صرت طوبة واليلعب بيها مارادونا
مدكولي بعد يا كولجي يلحك علية
جدري غله ميه وابد مافار
ولا بقى بيتي لاجريدي ولا فار
ولانا مكمل الخدمة ولافار
اركض والعريف يدك عليه
كثر بحسنك وبجمالك وصفنه
وحبك يرادله كعدة وجلسه وصفنه
اتمنى من الله اتكون بمدرستنا وصفنا
اذا تاخذ صفر انطيك مية
انا بكاروك حبك وانته هزني
صرت فرصه بحياتك وانته هزني
انه شجره محبتك وانته هزني
وخلي الورد يتناثر عليه
وكَع كَلبي بغرامك مات شيله
وترى كَلبي التعذب مات شيله
اخابر وانت تسمع وماتشيله
وينك ياحلو بس رد عليه
وحق رصعة خدودك وحق شفتك
انسبيت بيوم وسط الخلك شفتك
إشيخلصني بعد شرتاح؟ شفتك؟
تبعد تقترب نفس الاذية
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
روحي اشلون اكضهه من تهم بيك
ومثل تهمه يخايب منتهم بيك
الظيم اليمر بيه منت هم مر بيك
موضوع: حبيب الكلب عني ليش هملان 
الإثنين أغسطس 08 2011, 17:56
