دكيت بابك يا وطن

دكيت بابك يا وطن


دكيت بابك ياوطن باب الوطن مقفول

دكيت رقمك ياوطن رقم الوطن مشغول

شنهو اليشغلك ياوطن فدوه رحتلك كول

جاوبني بصوت العذب ولسانه المعسول

مذبوح اني من الالم ياوليدي مومشغول

الجلبي فدوه للجلب والجعفري مخبول

وصولاغ باقر هل الجرو صار العفو مسؤول

وشهبور لازك بالعرب اني الربيعي يكول

والمالكي ماله فعل بس للعجم مفعول

ومنشار عمار الحكيم ياكل صعود نزول

عمايم امتلى هل البلد وسبح وعبي ونعول

صار اللطم طول السنه وبعاشور وبايلول

والكاكه يعلس بالوطن حقي وحصتي يكول

اليهودي يلعب بيه لعب والعجمي يصول يجول

الشعب سد بابه وكعد من الظلم مذلول

والي فتح بابه وطلع مخطوف لومقتول

كل هذا وتكلي اشعجب باب الوطن مقفول

كل هذا وتكلي شعجب ليش الرقم مشغول

يسلمووووووووووووو حبي سيوفي شعر روووعه
عاشت الايادي

يدللوووووو كلبي حمود علي مروك لجميل