اخ من الدنية

[b]ليش الدنيه ابد ما تمشي وياي ؟
واذا مرة مشت .. ليه تمشي مكلوب ؟
وليش ايامي سوده تخوف الليل ؟
وشمس البيه دوم بوكت الغروب ؟
وليش الحايط اللي اصعده يطيح ؟
وليش بوجهي كلهه مقفلة البوب ؟
وليش الوردة بيدي تصير سجين ؟
وليش الشمعة تطفي كبالي وتذوب ؟
خلصت روحي والله وخلص الحيل
وتفصل لكلبي من الحزن ثوب
جزع صبر الدمع من كثر ما نوح
ومني همومي تابت .. واني ما توب
اضحك ويه غيري وابجي وياي
أظل عطشان واني الاترس حبوب
بس بيه الأمل مزروع وردات
لو مو ماي تمطر .. خلي حالوب
اصبر .. لازم اصبر .. واحمل آهات
لان كدامي بعد دروب ودروب
بس وداعتك امشيهه لو موت
لأنه بحبك انجنيت فد نوب
يالعشكك أمل بيه كل الاحلام
ويالحبك صبر سواني أيوب[b]

يسلمووووووووو على القصيده الروعه يا مبدع

يسلمووو