زايــــــد ع الــــعـــشـــــك **

زايد علعشك ماعندي حيله وياك
واحجيها وصدك لو رايد احجيها
وانته اتحايلت وانه ادري بس مااكول
ماتعبر علي بس انه اعديها
وادري اتضم علي بس اقتنع ماضام
تتخربط اعذارك وانه اصفيها
فوك اشفايفك كل الحقيقه اتموت
وبعينك اقراها وعيني تمحيها
ترس روحي العتب والزعل والحسبات
المها بغيبتك بالملكه ابديها
وردت اخفي العشك بس نعمة الله الشوك
وبيها اشكال شرعي النعمه نخفيها
حبك شمس بيه وماكسرها الليل
جيب اثنعش ليل وماتغطيها
وحبي بداخلك شمعه بسجن بي ناس
نفخه بحسرة أي مسجون تطفيها
وميخالف كلت شمرة عصا وارتاح
شمرة عمر طلعت لازم امشيها
المشاعر شيبت والعشك يرجع شاب
وياخذها على حبك بيها مابيها
مااحبك واكلك جنت احبك لا
جنت اشتم نفس كل خطوه تمشيها
وما ابوس التراب التمشي بي رجليك
كل ذره انه ابوس اتراب رجليها
شكالولك بجالك دمعه وانته بعيد
عبالك صدك شتضن اسويها
كل لحضه ابغيابك ابجي عشر سنين
احط اسنيني دمعه بعيني وابجيها
شما اريداخفي سري واقفل البيبان
ومفتاح القفل والرزه اوصيها
تتلثم صفنتي وتسطي علصندوك
ويفيض الدمع واسراري يحجيها
ليش اتكول رايح انته وينك جاي
لتكلب الجروح وسكته خليها
كلبي بنص عقل خايف اخباله ايزيد
وخاف يشيل روحي الغيري ينطيها
ولتكول انتهت تقراها بالمكلوب ؟
اقراهه امن الاول حتى تبديها
ماشايف محب قصة غرام وشوك
ماباديها بعده يريد ينهيها

ثااااااااااااااااااااانك

عااااااااااااشت الايادي

يدللوووووو منورين الموضوع

يسلمووووو سيوفي على القصيده الروعه يا مبدع