ختلت النجمات بحضان الغيوم
و انخسف حتى الكمر من شافك
و تاه جم شاعر حبيبي و حار بيك
و نشفت بحور الشعر باوصافك
انت حسنك مو دليل اعلة الجمال
و الجمال تولد من شفافك
يلي كلماتك لحن ينزف دلال
مجلب بحجيك وابد ما عافك
انت مو نظرات بعيونك .. سهام
ترمي ما تخطيء ابد اهدافك
انت لوحة و مو بشر صورهه ... لا
الله سبحانه تكفل صورك
يالتواضع بيك خجلت الغرور
و حتى لو مغرور واجب نعذرك
كل خلك ربك تحبك و العجيب
ما تحب روحك حبيبي شصبرك ؟
انت حورية جنت .. يمكن ملاك
و هسه صرت انسان ربك حورك
شرد اوصفك و انت قطعه من الجنان ؟
راح اتخيل و اوصف منظرك
و خاف اقصر ... راح اقصر شي اكيد
اعذرني حيل و مو سهل اتصورك
انت يالشعرك دهر حالك ظلام
حلة وسفة يعيش محبوس الدهر
انت عينك مو بحر ... لا مستحيل
انت بعيونك صبح نقطة البحر
و من بجيت و نزلت دموعك تطيح
و فاض دمعك غركت حتى النهر
انت طفرة و حسنك تعدى الخيال
و فوك وجناتك لكت كلمة خطر
نار مشتعلة على اطراف الخدود
نشوفهه و ما تنلمس ... هذا القهر
انت مو آية حبيبي من الجمال
و انت مو سورة فقط ... انت سور
انت لو شافك ملاك يدوخ بيك
و يا ملاك الداخ كبلك بالبشر ؟؟
و يلي خصرك لو تهب نسمة يميل
و لو تهب هبة هوا اعتبرة انكسر
يلي من تسهر رمش عينك يطول
و ما ذبل جفنك .. ذبل جفن السهر
يالمشيتك دكة دكة ولو مشيت
يذوب من ممشاك جلمود الصخر
من تحط جدمك .. تحط رقة و حنان
و حتى فوك الكاع ما تترك اثر
شرايد اوصف بيك وصفك مستحيل
و بيك لو احجي فلا يكفي شهر
يا ترف انت اصل كل الجمال
و اني احبك هذا هو المختصر
و
موضوع: ختلت النجمات بحضان الغيوم 
الخميس يوليو 28 2011, 01:57
