تدري شكد احبك يااعز مخلوق

تدري شكد احبك يااعز مخلوق


تدري شكد احبك يا أعز مخلوق
بكد نجمات ليلك حبي ما ينعد..

حبي مو عدد ولا هو بس ارقام
حـبي العشك الاخضر بس أحب ورد..

راح اوصف حبيبي وانت قيس الحب
واريدك من تقيس تـــــروح للأبــعـــد..

لأن كل الغرام يروح فدوه وياي
ماظن حبي يحي بعدي ايتجاوز حد..

انا الحبيت حبك كالطفل صرخات
وانا الضحيت عمري بدمعه فوك الخد..

وبعد حبيت حبك شهكه مالت موت

وجرعت أسموم لجلك خاطر انت اترد..

حبيتك مثل عين وكحل الجفون
وبديت اكثر احبك بيه زاد الود..

وصرت اشتاك حته وانت بالاحظان
تخيل بين ايديه واني اصيحك رد..

شوصف حبي الك صاير ..خيالي
خيالي وراح بس يمك ....خيالي
حبك مو صديقي ولا ....خي الي
حبك مـوهـبـه وبي هم ..هـوايــه
دوايه أنته ونفـس روحي ..هوايه
تريـد أوصف غـرامك ..هـو أيـه
شمس حبك يـظـل يشـرق عـلـيه..

شنهو اتريد اكولك يا حبيبي اشبيك
أحبك موت اني وعني لا تبـــعـــــد..

كل هذا وتريــــد ارقــام وحسابـــات
حبيبي شلون أحسب حبي مو بالعد..

مثل كطرات غيمه وانت أحسب هاي
وشوف المـطر جــم كـطـره وتــأكــد..

صعب لا صعبه راح اتعد هذن كطرات
وهو الحب تقطر بــس عـلـيــك ونــد..

لـذلـك خلي حبنه أبدون الحسـابــات
لا مـليــون أحـبــك ولا تحـبنـي شكد..

لا مليون أحبك ولا تحبني شكد

يسلمووووووووو عاشت الايادي يا مبدعه

يسمووووو شعر روووعه

يسلللللللللللللللللللللم هلذووووووق

يسلموووووووووووووووووو