بجت حتى المدينه

=بچت حته المدينه=
ييمه وداعتچ بعدچ بچينه
عگب عينچ بچت حته المدينه
ييمه وداعتچ حته المراجيح
يوم العيد شفناها حزينه
مو بس بيتنا يايمه زعلان
الدنيه بحالها زعلت علينه
صرنه اغراب من يوم الرحلتي
نحس غربه الوطن بعدچ صفينه
وحشه بكل كتر كل الشوارع
مثل وحشة العشره عد سكينه
شفنه ارواحنا مثل المساجين
واساره بلا سبي چنه انسبينه
تعودنه عليچ واحنه ازغار
واكثر من كبرنه اتعودينه
كبرنه ونسمع بصوتچ دللول
وچنه ازغار وبحضنچ غفينه
خلصنه الليلي بفرح وسرور
وانتي من القلق كلبچ علينه
ييمه من يتانينا على الباب
عگب عينچ اذا باليل اجينه
يافيض السيول بشحة الماي
يا اول نهر منه ارتوينه
يا بلبل يغرد فوك الاحزان
ويطيرنه فرح ويطير بينه
يا نسمة حنان بشحة الكيض
وبيام الشته بحضنچ دفينه
هيهات نتلاگه بمثلچ احباب
دورنه اعله مثلچ ما لكينه
ما اضن بالرثاء تردچ اشعار
ولا دمعه تردچ لو بچينه

يسلموووووو اختي علي الشعر

يدللوووووووووو سيوفي