عليمــــــن جاي تبجي

--------------------------------------------------------------------------------

عليمــــــن جاي تبجي
-----------------------
عليمــــــن جاي تبجي وادري شتريــد
شــــو ظليت واكف كلي شمتاني ..؟؟

تره كلبي انترس مــــــن عندك اعذار
تخلص مـــــن عذر تكلب على الثاني

خلصــــت العـمــر وياك بالحســرات
مـــــــن غــــم الــزمان البيك وازاني

ما اعتب عليك مـــــــن العتب مرفوع
اعتب عالبخـــــــت جيـــــه بيك دلاني

انه الضيعـــــت ربعي وباقي بس وياك
وهســه تكلي تاني ..!! اعذرني ماتاني

جنتلك ضحكـــــه تلعـب بين الحجايات
واذا تحــــــتاج تبجي دمـــــوع تلكاني

على كيفك عليّ هـــــــذا الكلب ملجوم
حمامـــــه بنص ذيابه شـــــوم خلاني

صرت يوسف زماني وبيك شفت البير
وصفت روجات غدرك جنهن اخواني

صرتلك شمعه تضوي وحضن تالي الليل
الوليلك جــــــــــنت تغفي على ذرعاني

صحتلك وسمعـــــــت جا ليش ما رديت
مــــو كبر وكـــــت مغـــــــربكـم اذاني


المن جاي كلي وشصلافـــــه البيك.. ؟؟
انـــــــه وياك ابشــــــرك مات شيطاني

يسلمووووووووووو عاشت الايادي يا مبدعه

يدللوووووووووووو

وايدك العايشة