&&& امي&&&

أمي
يا احله السوالف ..
امي يا بستان ويخضر عواطف ..
امي من تصيح يمّه .. تصير صنته
امي من تنوح سكته ..
ولو أجينة دموعهه تصير النه نكتة
امي قانون الحياة الماعرف يسجن ضحكته

أمي
وردة .. وذبلت بحرّ السنين
بس عطرها يفوح باقي ..
أمي ما يذبل عطرها

امي ليل . وسالفة . ودلة . ومضيف ...
وامي للدنيه صبر لو شح صبرها
امي خيمتهه العباية ... ولو عطشنه .!!
تصير غيمة .. وترتوي الگاع بمطرها

امي ضحكة بشفة اطفال العراق ..
امي خارطة العراق ..
والعلم صايــر سترهـا

امي حلوة .. وتشبه امي ..
أمي صورة ..
وياهو بالعالم گدر يرسم صورهـا

وأمي دمعتهه قضية ..
أمي من دموعهه مفصل عمرهـا ..
أمي لو تبجي اعلة خالي ..
تگوم حته الگاع وتفطر صخرها

امي قرآن المحنة ..
واحنة بس بدموعنة نرتل سورها

واحنه لسه زغار يمهه ..
وما ننام إلا بكترهه ..
أمي احله فراش بالدنيا صدرها

يسلممممممممممممممممممممممممموووووووووووووووووو والله
تخبل
تقبلي مروري