لاسف كان اكوا حب بس انعدم

حلم كان اَولا تصدق بالاحلام
لا تخلص عمرك اتعيش ابوَهَم

راح تثبتلك بعد هاي الايام
انت ترجى ثمر من أرض العدم

اتريد جرح ايطيب بمداوه الاوهام
صِدك مسكين أوتجاهلت الألم

اتلاحك النفسك وأخذ عبرة كَلام..
ابعمرهه ال لا ما صارت نعم!

قلبك ايون ابهموم الانعدام
وأنتَ تتصور ابوناته نغم

انت وصلوك نص بحر الهيام
وبعمق روجاته سلبُوك البلم

الناس كلها اتغيرت مات الغرام..
ابقيت وحدك للعشك رافع علم

انتَ جاي ابزمن ما اظنه تمام
المثلك انقرضوا صفوا هسه عَظم

اليوم اليوافي يتهموه بأنفصام
لان صار الحب مصالح مو ذمم

دمروا كل المشاعر والاحلام
ونزلوا كلمه اَحب من القيم

صار بأسمه اتصير صفقات اَبظلام
هذا ياحب للرذيله ينعزم ؟

راحت الطيبه اوي اهلنه والعمام
منهم اتعلم كَرم حتى الكَرم

صار هسه المصلحه رد السلام

كان اكو حب بس انعدم

من زمن قيس العشك هسه انعدم

يسلموووووو رووووعه

يسلوووووووووووووووو ع الشعر الرائع