عراقي وانا علم فوك المناره

طفل يبجي على أحدودج يبغداد
صرخ لا للظلم لا للخسارة

كتموا كل سعادة وارض الامجاد
وصفينا تراب بنص الصحارة

نعم النا حقوق وماضي ينعاد
ونعم منا الغضب ماخذ شراره

ولكن بالحكم صارنا عقاد
وكل الوطن طالب بانتحاره

اظن مات الحكم بيدك يحداد
وخلص مابقى لروحي اظن جاره

اذا اطلع واكولن لا واظل هاد
يكتمني اخوي بلهب ناره

واذا اسكت احس بكلبي ميعاد
وموتي بايده جايبلي البشاره

كلولي شاسوي بارض الاجداد
عراقي اني وعلم فوك المناره

تموني لويش وشنهو الابعاد
لازم اسكت و انهي الحضارة

يعني اعرض عراقي بابسط مزاد
واول مشتري انطي قراره

واجيت بيوم مشمس والحزن عاد
طفل يبجي بحدودج ولج بغداد

ميت من العطش وامه جزاها الخوف
وانا وي روحي احسن صار عناد

معقولة العراق الشامخ يصير
لعبة لكل عذل وبيده اصفاد

لا احنى الشباب وثوره نكون
ونحرك طاغية بساعة حراره

دمنا الغالي يرخص الج بغداد
وندحض كل عذل ونبيد داره

وحاذر يالآيدك للعدو ماد
باجر مأت املك واحنى ثواره

مانرضخ الك ولاابد نصفى ابعاد
خيبنا امالك ياخساره

سد من المحبة ونصد الاحقاد
وبكلمة (غضب) ننهي العباره

اجيت بكل مشاعر الج يابلاد
حضن ام لكثر من تبدي غاره

وانا ابنج وحق كل ذره بترابج اظل فاد
واخلي كل عذل دمه يتجاره

لان طبع العراق ذيب وعناد
وكل باقي الدول منا استعاره

ياثوار اصحو وكافي انشاد
اجى وكت الصدك والكم عباره

اذا مو احنى نحمي ارض بغداد
ماظن للعراقي ابد جاره

اذا مو احنى نحمي ارض بغداد
ماظن للعراقي ابد جاره



انحني لترابك شرفا ياعراق

تحيتي واحترامي للجميع

يسلمووووووووو سيوفي اتمنى ان تكون قبلت مروري البسيط
تحيتي