(ماريدك بعد خليني مرتاح)!!

اللهم صلي ع محمد وال محمد

السلام عليكم ورحمه الله وبركاته

(ماريدك بعد خليني مرتاح)!!

اذا تلوح النجم اكَرب الك يهواي

وكَلبي لا تجيله وتوصل الحدة !!
يالجفك ذبح كَلبي ودفنته أبليل!
تريد بكل جسارة الميت اتكَعدة؟؟
لا تفتح جرح بالكَوة خيطناه !
لو ينزف بعد متكَلي شيظمدة؟؟
لو حسبت جرح صدكَني هم تهون!
جم طعنة غدر بحشاي متوسدة؟؟
الشاعر من تجرحه ابياتة ينزفها!
جرح منك نزف ديوان وتعده!!
ضنيتك مطر واترجة منك فيض!
ما ادري برصاص أغيومك أمرعدة!!

لجلك حاربت أهلي وجميع الناس!
وسيفك للأسف بضلوعي وتحده!!
بابك منفتح للرايح وللجاي!
وانته بكل صلافة بوجهي وتسده!!
يالحبك رمل ودموعي ضاعن بيه!
وبحرك من جمر نيرانه مشتدة؟؟
لتحاول تجي انته البديت بهاي!!
ماي الينجفي متكَلي شيردة؟؟
ماريدك بعد خلي الكَلب يرتاح..
مليت العشَك والروحة والردة!!
مليت العشَك والروحة والردة!!

» ماريدك بعد خليني مرتاح
» ماريدك سهل**
» احبك من بعيد وهيج احس مرتاح
» كلمات اغنيه خليني اعيش للفنان زين العراقي