كلمة وداع
ويــن تــريد تــرحل؟؟؟وآني هــذا الموت
أقــيسه بــعيــشه دونــك يــعــتــبـر زفـّة
إحـتلال امريكا إلنه بـچــفـّة ثق محسوب
ومصايب طــول هجرك صارت بــچــفـّة
وتـگــلـّي قــوي مجرّب عــشرتك!؟غــير
شــفــت طــبــعك جــمر وتحوّلت ماشه
وچـذب لا مو قوي بهجرك..وانه تحدّاك
إذا تــحــمل مــثل إحــساســي فــرّاشــه
اتــلاشه بــدونك يل بــدوني تــعــيــش
قــدّر شخــص عــمره وياك يــتماشــه
شگـد صعبه المطــر طاير بأســم الغــيم
ومــن أيــمل ســماه ينزل على فــراشه
والأصعب والـچـبيرة شلون گـلبه انطاه!
يخــلـّي إخــلافــه ذاك الغــيم يــتــلاشه
ومــا يحــفر جـرح يـگــطع لحـم ويـروح
إذا دلالــي طــاري مــوادعــك نــاشــــه
قطع جسمي جمعتهن من كثرهن شوف
بــيــهن مــا حــرت فصـّــلت دشــداشه
طاري موادعك حــوّل هــمومي قماش
لان شاف الجّــسم يتــعب يشيل هــدوم
وخــيّــاط السّــهر لازم أبــرتــه ويــاي
خــيّــط ثوب إلي بس ثــوب من هموم
وصدّگ واعــتــقــد ما نعــق عل أطلال
على جروحي الّي منـّك نعق طير البوم
نزف جرحي شعر وتـگـلّي تچـذب ليش؟
ترى لوما الجّــرح ما غــنـّــت ام كلثوم
شحچـيلك؟؟قصايد دمــعي صــار عليك
وأقــراهن بــنوحي وتــطرب السّــمّــاع
نحت واليمّي(اعــد)صاح بصلافت عين
ومن كثــر الدمع صفـّــگ وگــال إبــداع
وأماطــل دمعــتي وگـلتلها لا تــطيحــين
ولأن مليانه حـرگــه احترگ جفني وماع
وتــظن يقبل الخـد يـبقى الــدمع بالعين!
ولك خــدّي صعــد لعــيوني لمّــن جــاع
انــه روحــي غــزالة مـگــرّمه الرجــلين
وانــت أيّــام هجــرك ادري بيها ضــباع
البشر مـــرة بحـــياته يمـــوت ويدفــنوه
وآني ادري إن غبت راح اندفن كل ساع
نــفس ذاك الورد حبــنه گـــلتلي يــصير
وأشـّــرت اعله طفــلة تبــيع ورد أنـواع
نــفس عــطـر الورد ظنـّـيت حبنه تـگـول
مــا عبّــالي تــقــصد يــنــشــره ويــنباع
واخــيرن راح اگـلّـك مــن گـــلـب ولــسان
ومــن شــاعر صــبح للأبــجــدية شــراع
العــرب يمهم لغــة وچـلمات بـيها هــواي
تحــمل مــفردات اتــغــطـّـي حــتى الـگــاع
الفــظ مــا يعــجــبك مــنها واشــتــم حــيل
بــس لا تــلفــظ الكــلمـة الاســمــها وداع
موضوع: كلمة وداع ***** 
الإثنين أغسطس 15 2011, 22:25
