من كد ما عذرتك مابقت اعذار

من كد ما عذرتك ما بقت اعذار
دلوني علصبر بس ما ندليته
ردت بس ذكرى منك تبقه وياي
شلت جرحك بديه وبيه لفيته
يسألوني الشماته وين حبك صار
دفنت جرحك بكلبي وحبي سميته
وعن لا ينكشف وتشوفه عين الناس
فتحت بيبان كلبي وبيه خليته
لا تنكر جميلي شكثر وياك ضحيت
جبت كل حزن عمرك بيه حديته
وحسبتك هدف عمري تروح عني شلون
جنت حلمان بيك الحلم صحيته
رحت وي غير واحد موفق اتمناك
بس ماتتوفق ادري وكلبي اذيته
مشه بنفس الطريق البي مشيت وياي
ما ثكلت اجدامك؟ شلون خطيته
لزم ايدك ! وجفك ما خجل منه شلون؟
من تزعل يحسك مثلي حنيته ؟
هم كتله حياتي ؟؟ انته كتلي هواي
لسانك ما عثر من بسمي ناديته
هم بيه جرحك مثلي من مشه وياك
الداواك هوه؟ لو انته داويته
من حبك ما سأل عنك تحب لو لا
لو موضــوع صيت وسـمعه وانـته سديته
ما ينسد جذب بس يمكن الصيت يروح
تسده شلون وحقــي انتـــه ما رديــتــه
ماشاف الاوراق بيه كلمة احبك مووووت
لتكلي احـــركــتهن والكلــمه مــيته
آنآ مخدوع بيك بس الله يعوض الراح
حبك رســم غلـــطه واني خطيــته
واني اختلف هسه مو نفسي انور ذاك
مو ذاك الغـــشيم الـــبي جــرح خليته
جنت مرســـوم دفتر للغــزل ويـــاك
وجان الدفتـــر انــــي واني شكيته
لو اكبر عاطفه بعد ما تهزني ويــاك
اتصالك خاتمه وهــيج اني قــريــتــه
واذا حب عندك جديد وترسل مسج فرحان
ترى هذا الشــخص هــم مثـــلي تالـــيتــه
هم يجوز ما عرف طبعك هيج
حبك على نيته وطيبه نفسيته

راح يعوفك من توصله هل كلمات
جم شخص دايـــــخ بيك واني وعــيته
واذا عندك مضله تغطي بيــه الناس
اني بنص قصيده احركه شمـــسيته
متلحك ابد وتــصلح الكلمات
ولا خليه مثلي ينـهجم بيــته

الشعر رائع انشالله دوم التالق والابداع

عاشت الايادي