باعـثني حنـيـنـي ،،
ودّي أصرخ في هدوءك .. واسمعيـني
هالمسى بالذات .. باعثني حنيـني
طفل . . احتاج لدفى من برد قلبي
طفل . . احتاج لبكى من حر عيني
رجل جيتك ماوراي الا منافي
شفت في حظنك بلادي .. احظنيني
من زمان آدورك .. معْ كل نبضه
في سِيَر عشاق في غفلة سنيني
هذي انتي ...
آسف انتي منتي عندي
بس احس انك مع احساسي تجيني
ما أبي من راحة عيونك .. ليالي
بس ليله ..لجل عيني اسهريني
وعلميني كيف انا اعيد الثواني
وكيف قلبك دون ما اشعر يحتويني
وكيف أنجن .. وكيف الارواح اتّـآلف
وعلميني .. وعلميني .. وعلميني
وشوفي شعري كيف يكسوه البنفسج
واقري .. أبلغ من كلامي ...... مقلتيـني
طبْع قلبي لاهوى اغنى حبيبه
مستعد انه عشانه يبتليني
أسألك بالله .. شوفي لــ وين ابوصل
من جنوني .. اشعر انك تعشقيـني
بس خجلانه تجيني قبل اجيـ لك
خايفه تبدين . يمكن تحرجيـني
رغم انك لاهيه في شوف نفسك
وفي حروفك يالفجر فجرٍ يبيني
ياسنيني مامضى ماهو كفايه
هو متى هذا الفرح يمسح جبيني
انتي ياللي .. صرتي اغرب ما احسه
مدري اقرب ما احسه في كنيني
لو احبك اشعر اني راح احبك
اكثر اكثر .. ليــــن ما املابك يديني
واشربك علّ الخفوق اللي ضمابي
يرتوي .. يبست عروقه تحتريني
هذاانا اصرخ ياتُرى انتي سمعتي ؟
قولي مااسمع .. ومن ورايه اسمعيني
والله اني ما اتمنى غير حاجه ..
تعرفي منهو انا .... او تعرفيني
هاه ... قولي اي حاجه .. بس قولي
هــ الشغف مايُحتمل بيني وبيني
الشقي الي بلا حلم بحياته
والا انا حالم شقي .. من حين حيني
موضوع: باعـثني حنـيـنـي ،، 
الإثنين أغسطس 08 2011, 18:17
