بعد ماريد احب كافي انجرحت اهواي

بعد ماريد احب كافي انجرحت هواي
وحتى جروحي ملـــــــت من سواگيهه
من اعشك صدك اطلع انه الموزين
وتطـــــــلع هيه زينه من الاگــــيهه
كرهت الحب قضيته ومااريد اهواه
وكرهت اسم المره لمن احاجيهه
العشك وياي نقمه ثق ابد مو زين
حتى الروح ملت من اهديهه
تمنيت الكه وحده تحبني حتى ارتاح
واحبهه اني بصدك ما العب عليهه
حلفت اني ورحت للكاضم تعنيت
وعكدت المشكله بشباچه واحجيهه
كلت يارب دخيلك كربي فرجه بساع
صبرت اعله العشك ما اصبر أبديهه
لان جنت انه اظنهه تحبني حتى تموت
وجنت اتمنى اموتآ لو مره ناسيهه
احبج كلمه وحده والعشك حلفان
حرام احلف جذب بالعشك تدريهه
جنت اتمنى وحده تحبني وك بس يوم
وانام اني بحضنهه وانسى ماضيهه
وجنت اتمنى وحده تكلي ضل لتروح
وتكلي اسم الله روحي لأجلك افديهه
ابد محد يحبني كلهه جذابات
تضل بلحمي تنهش تالي وك تزعل
وطلعت اني السبب وصوجي صوج انذال
وتسد باب العشك بسكوت وك ترحل
انه شحجي وشكولن كلبي ضل ملجوم
بقه يحبج بعشك وبيه ظل ينعل
انه هسه عرفت للكلب مامحتاج
ابدله بقنبله وارتاح واتحمل