تعال انطيك گلبي وشوفني شلون

تعال انطيك گلبي وشوفني شلون


الك اشتاك وي كل دگه منه
ولك لا بيك طيب يجيبك لملگاي
ولا هزتك فد يوم المحنه
واني شبيه عود وليش مهتم بيك
وانت الحبك عيونك نسنه
اذا بالجنة عايش وانت مو وياي
احسها تصير نار وماهي جنه
ولك لا توب منك لا امل طاريك
وانت سوالفك عقلي خذنه
شيب راس كلبي وماهو كبر سنين
بس دكاتك انت الشيبنه
وانت .. انت تبره مني وكلي راح انساك
واذا ينساك كلبي اتبره منه
اني يفور دمي من اسولف بيك
وانتَ شبيك تبرد من يذكروني
احبك احبك والله يدري بيوم الاكيك
اريد اباب وجهك اترك عيوني
اريدك بس الية وما تحب وياي
بس اني تحبني .. تحبني بس اني
والك مني عهد ماخون حبك يوم
واذا كتلك اكرهك ينگص لساني
احس روحي ويه روحك ذايبات احساس
وواحد بالوفى مفصل على الثاني
اريدك بس الية وما تحب وياي
بس اني تحبني .. تحبني بس اني

يسلموووووووو ع الشعر

يدللووووووووو