موكافي حزن موكافي عاد دموع
ياكلبي اليحبك عافك الوحدك
لاتنزف بعد بطل تحب وارتاح
حلو يعني الدمع من يجري بخدك؟؟
لاتأمن شمس لوجان طبعك ماي
اذا تكلك اشيلك يمي وتصعدك
لان صدك بخارك من يصير غيوم
ماي اعله الارض متندم تردك
ضم وردك بعد ليشوفه هذا وذاك
وبحجة يشم يكطع نبض وردك
ياكلبي اليحبك خله بيك جروح
ولزم كل ذكرياتك بيهن يجلدك
فرش كاعك جمر من واعداك اتطير
وكص اجناحك وفوك الجمر هدك
يفزع بيك اجاك وينخه كوم وياي
واول ماكمت رأسا وكف ضدك
من شافك حضن دافي وتحضنه بحيل
كلك فدوه ضل محتاج اني الودك
ومن يطلع صبح يدفر ودادك ذاك
لأن بس بالليالي يريد يتوسدك
رد الحالتك ياكلبي وانسه الصار
مشتاك الضحكتك والله مفتقدك
عنك ماسأل ماكال يمكن مات
ولا كال احتييه ولا حاول ينشدك
ولا هزه الحنين وكال جاني الليل
ولا مره ذكر ضحكاتك وصدك
بس جاوبني كلي تحبه بعدك ليش
هو العذبك هو الجواك وراح
اي ليش شبيك المن توفي بوعدك؟
كطع جذرك غفل منك
المن باقي كلي شبيك وشعندك
ميحبك بعد ضل عايش بوحدك
موضوع: موكافي حزن موكافي عاد دموع 
الخميس يوليو 21 2011, 23:21
