الابـــداع عنـــوان ونــــحــــن عــــنواننــــــا الابــــــداع
اهـــلا وسهــلا بك زائــــرنا الكريـــــم

انت غير مسجل معنا

سجل معنا ونتمنى لكم


قضاء اوقات ممتعه

الابـــداع عنـــوان ونــــحــــن عــــنواننــــــا الابــــــداع


 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
منورين حبايب قلبي بمنتديات احباب البصره
حبايبنا الاعضاء لكل من يرغب بالاشراف على القسم الذي يفضله عليه تقديم طلب الى الاداره ويتم وضعه في الاشرف
اهلا وسهلا بكم في منتديات احباب البصره نتمنى لكم قضاء اجمل الاوقات معنا للاستفسار راسلوني على البريد الالكتروني
تحياتي
احمد السفير

شاطر | 
 

 حواربين اخوه واحد بالعراق واحدبلخارج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
saly
مشــــرفــــه
مشــــرفــــه


انثى العقرب القرد
عدد المشاركات : 179
نقاط : 380
تاريخ التسجيل : 08/07/2011
العمر : 24
المزاج : متوسط

مُساهمةموضوع: حواربين اخوه واحد بالعراق واحدبلخارج   الإثنين يوليو 18 2011, 21:44

ولك ارجع


ماعندي جرح يتحمل اللجمات

ولا ظل حيل عندي وللملامة احمل

صرت جتال خلك ليش يالمحبوب

وليش بلا ذنب لليوفي الك تجتل

مو عشرة شمع راح اشعل العشرين

بس كونك تجينه وبأرضنه اتحل

آخر مرة شفتك جنت مامرتاح

كلامك بيه عبرة وتضحك اتمثل

شبيك آنه اسألت كتلي طبيعي الحال

وحالك موطبيعي وجنت متبدل

اعرفك مثل روحي واكثر من الروح

كلي شبيك واحجي ومني لاتخجل

لجن واكف عفتني ورحت عني بعيد

اذا زعلان كلي بيا سبب تزعل

مثل واحد لأمه جنت احن اعليك

وجنت بنياط كلبي هواي تتمعجل

ابعدت عني وبقيت متاني ترجع يوم

ومثل مهرة احلامي اتنطرك تصهل

عسه بعيني العمة لو انته مو بالعين

وكون من البواجي ادموعها اتوشل

بفراكك حبيبي مالفاني العيد

وصدك يوم عيدي يوم بيه اتهل

نهاري صار ظلمة وبردي اصبح كيض

والعسل علكم صبح والعز تبدل ذل

ونسيت اسم الفرح ومن الضحك محروم

واتسله بهمومي وبالحزن اشتل

واليشتل حزن مايحصد الا الضيم

والضيم اللفاني ماجره اعلى الكل

ليالي سود مرن ماتبعهن نور

لانجمة التلالي ولا ضوة الينزل

ولا لحظة نسيتك يانظر هالعين

ولساني مايملك بأسمك يرتل

مثل هلة العيد اتنطرك ظليت

وبيك افرح طفل يوم اللي بيه اتطل

وجن فرحة يتيم بلعبة يوم العيد

كلبي بيك يفرح لو علي تجبل

وافرش روحي سجادة اعلى دربك دوم

واظل طول العمر بعيونك اتغزل

ولك ارجع اليه وخلي افرح يوم

كافي من الزغر بهمومي متمشكل

فأجابه
تريد أرجع

تريد أرجع وارد للدار *** أظن عالفركه ماتكدر

واظن شوكك طفح يفلان *** فيضه ومابعد تصبر

وأدري النوم صعب اعليه *** العنده أحباب بالمهجر

يحسب للملاكه حساب *** يعد أسنين جنهه أدهر

عينه أعله الدرب تربي *** ويظل طول العمر ينطر

يكضيهه بونين ونوح *** وريكه من البجي يمرمر

أكلك صادك انته بهاي *** أدريبك وفي وأكثر

تحركك روح خوتنه *** وحليبك زاجي لمن در

أحسك كبل ما تحجي *** وكبل ما ينطق الأصغر

يلنه الماي متساوي *** وكل احنه لمسنه الضر

هسه أنته كلت وحجيت *** وشرحت أحوالك بأسطر

أريد النوب تسمعني *** أجه دورك يبن جعفر

أريد أشكيلك أهمومي ** ولو همك يجوز أكبر

وأخبرك بالجره أعليه *** وعله أكليبي الغده مبعثر

عكبكم ما لفاني النوم *** وعيني أتعودت تسهر

روحي أتلوب بالغربه *** وغدت عالملكه تتحسر

انجوت بالبعد واحتركت *** جبدتي وكلبي أتفطر

انهدم حيلي احترك دمي *** وناري موجره وتسعر

هزل جسمي انكسر ظهري *** كسر ماأظن يتجبر

ولاأظن جاره ليه اتصير *** صرت للموت انه موزر

يلن مابيه شي صاحي *** كلي مرضرض مكسر

شحسبلك شعد جروح *** عدد ماأظن يتقدر

جرح منجرح فوك جروح *** تظن هيجي جرح ينزر

تريد أرجع تود العين *** بيه أتسرك بمنظر

أريد أرجع لأرض ذي قار *** دنيتي وأدري بيهه أنسر

تظن للسمجه يحله العيش *** لوانهه أتحولت للبر

بس حسبة وكت هيه *** وغيمه مدلهمه وتعبر

ولابد للظلام يزول *** ويرد الفجر ينطر

وأذا مكتوب نتلاكه *** وأمر من ربك مقدر

أكيد أيصير هالمحتوم *** وبشوفة بعض هاي العيون أتقر

وأذا باللوح ما مكتوب *** ملكه ارواحنه يصير بحياة الذر


فأجاب الاخر ...
هسه أرجع


أسألت شيطان شعري وردته عود اليوم .... يدبرلي جواب لهاي ، ما دبر

كلتله روح وأبعد لا ترد النوب .... وخليني بكلام السيد أتفكر

صح همك جبير وثكله ثكل جبال .... وما ألومك إذا من عنده تتعثر

لجن لوشفت همي همومك أنته تهون .... لأن همي يخلي جبال تتكسر

صرت لجف زماني وجنه للصفعات .... وصرت للضيم آنه السجة والمعبر

وأتحمل زماني شما يذب لوعات .... بس لوعة فراكك إلها ما أكدر

جنت أتأملك ترجع وأشوفك يوم .... وأقنع روحي جنت بهاي وأتصبر

وأكول لروحي سهلة وهالسنين تهون .... إذا فد يوم ( شوقي ) بدنيتج يظهر

وأنته تكلي يمكن هذا مامكتوب .... وأظن روحي ويه روحك يلتقن بالذر

خل نفرض ( جدالا ) أرضى آنه بهاي .... وأروح لموتي بيدي وهالعمر يكصر
وبالذر نلتقي؟ ( شنهو الضمان لهاي ) .... مو خاف أنتظر وهناك ماتحضر

ما أريدن هذني أرجعلي هسه بساع .... لأن كلبي بغيابك كلش أتفطر

وظل وشلة عكل ألحك علي يفلان .... يطير العكل وأنجن كون تتأخر

إذا مشتاقلك من كاعد آنه وياك ... هسه شلون حالي وأنته بالمهجر

تكول الفركه صعبة ويكتل التفكير .... ومامرك النوم وصرت بس تسهر

إذا أكلك تصدك آنه بيه شصار .... شنهو النوم يعني ؟ نسيت ما أذكر

وكل زاد الأضوكة بحلكي مر يصير .... وحتى الماي نار تكول ظل يسعر

وما أشرب خمر تدريني عنه بعيد .... لجن لومرني أسمك أثمل وأسكر

آنه أدري الوكت هم شد عداوة وياك .... وخلاك أتركت أرض الوطن مجبر

بس الوكت ضكني وأنته عني بعيد .... وجنت رايد وجودك ماردت أكثر

ما أريدن أتعبك والجروح هواي .... وأنا جروحي ويه عمري تخضر وتكبر

وإذا جرحك بكلبك وأنته منه تلوب .... أنا جرحي إعلى طولي وما أظن يعمر

إذا جسمك مكسر والرضوض هواي .... أنا جسمي أنطحن من فركتك يا أسمر
وكون أتوزرت للموت .... لأن جسمك هزل وأنضر

آنه معارك ويه الموت .... وأموت ويه الفجر لوطر

ألف موته متت بفراك .... أخوي الطيب المعشر

هسه أرجع إليه بساع .... خلي بعمري مره أنسر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد السفير
~ الــــمديــــر الــــعام ~ ~ صــاحــب الــموقــع ~
~ الــــمديــــر الــــعام ~ ~ صــاحــب الــموقــع ~


ذكر الجوزاء الديك
عدد المشاركات : 278
نقاط : 544
تاريخ التسجيل : 27/06/2011
العمر : 23
المزاج : عال العال

مُساهمةموضوع: رد: حواربين اخوه واحد بالعراق واحدبلخارج   الإثنين يوليو 18 2011, 22:12

عاااااااااشت ايدج يسلموووو عيوني

ــــأأألتـــــوقيـــــــع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahbab-albasrah.mam9.com
سيف البصراوي
رقــــابــــه عــــامــــه
رقــــابــــه عــــامــــه


ذكر الجوزاء الخنزير
عدد المشاركات : 817
نقاط : 1406
تاريخ التسجيل : 07/07/2011
العمر : 21
المزاج : عالي

مُساهمةموضوع: رد: حواربين اخوه واحد بالعراق واحدبلخارج   الثلاثاء يوليو 19 2011, 18:46

يسلموووووووو عاشت الايادي

ــــأأألتـــــوقيـــــــع
ها يا كــــــلب ليش انته حبيت وانه ادري بمحبتك من طرف واحد
كتلك مــــــا يحبك افهم شبيك وتعرف ما يريدك لكن تعــــاند
اه يا كلبي الجـــــرح بين عليك اه يا طعنات غـدرك من محب حاقد
احبك والكلب مــــا يكدر يبوح ونته تدوس حبي بدمـــك الجامد
حيل اتعذبت بس انته مـــا حسيت لان بنار كلبـــــي وكلبك البارد
اه شكـــد صعب من تعشك انسان وتحسه بمحبتك يجهلك قـــــاصد
اه شكـــــــد غشيم وهيج حبيت ودري هــواي كلبك للعشك جارد

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكوسوفي(مٌــحُــمٌُــدُ)
نــــائــــب المــــديــــر
نــــائــــب المــــديــــر


ذكر الجدي الخنزير
عدد المشاركات : 1196
نقاط : 1701
تاريخ التسجيل : 01/07/2011
العمر : 20
المزاج : عالي

مُساهمةموضوع: رد: حواربين اخوه واحد بالعراق واحدبلخارج   الثلاثاء يوليو 19 2011, 21:53

يسلمووووو
روووعه
دوووم الابداع

ــــأأألتـــــوقيـــــــع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شمس الجنينة
نــــائبــــة الــــمديــــر
نــــائبــــة الــــمديــــر


انثى الاسد الكلب
عدد المشاركات : 1013
نقاط : 1358
تاريخ التسجيل : 05/07/2011
العمر : 22
المزاج : لا بئس به

مُساهمةموضوع: رد: حواربين اخوه واحد بالعراق واحدبلخارج   الثلاثاء يوليو 19 2011, 22:19

يسلمووووووووو خيتووو
دوووم الابداع مو يوم

ــــأأألتـــــوقيـــــــع
ليس الحب ان تكون بقرب من تحب ولكن الحب ان تثق انك في قلب من تحب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حواربين اخوه واحد بالعراق واحدبلخارج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الابـــداع عنـــوان ونــــحــــن عــــنواننــــــا الابــــــداع  :: اقســـام الطربكـــه :: منتــــدى الحشـــاشــــه ام الصجــــم-
انتقل الى: